بار[1]

معنی

١ - گرانی، وزن، بوجھ، بھار۔ "اس کے خون کی قیمت سو بار شتر چھوہارا تھی۔"    ( ١٩١٢ء، سیرۃ النبی، ٣٨٦:٢ ) ٢ - بوجھل پن، دباؤ (جو طبیعت وغیرہ پر بار ہو)۔  غرض ہو جو زہرہ پہ غصے کا دار نہ سنبھلے نزاکت سے سختی کا بار    ( ١٩١٠ء، قاسم اور زہرہ، ٢١ ) ٣ - ذمہ داری، کفالت۔ "آپ صلہ رحم کرتے ہیں، مقروضوں کا بار اٹھاتے ہیں۔"    ( ١٩١٢ء، سیرۃ النبی، ٣٠٦:٢ ) ٤ - قرض۔ "اس جائیداد پر بہت بار ہے۔"    ( ١٩٢٤ء، نوراللغات، ٥٢٥:١ ) ٥ - مرتبہ، دفعہ، نوبت۔ "دنیا میں کروڑوں آدمی ہیں جو ایک ہی بار کھاتے ہیں۔"      ( ١٩١٦ء، بازار حسن، ٧١ ) ٦ - پھل، ثمر  جس کو لطف قرب رب دو جہانی مل گیا اس کو گویا بار نخل زندگانی مل گیا      ( ١٩١١ء، نذر خدا، ٣١ ) ٧ - اسباب، سامان (لادا جانے والا)۔ "ان اونٹوں کا بار رستے میں پھینک دیا۔"    ( ١٩٣٧ء، واقعات اظفری، ٧١ ) ٨ - گٹھڑی، بنڈل، گانٹھ، راس، کھیپ۔ "کوئلے اور دھات اسی طرح مسلسل ڈالتے جاتے ہیں، ہر بار ٣٠ من ڈھلی ہوئی کجدھات کا ہوتا ہے۔"    ( ١٩٤٨ء، اشیائے تعمیر، ٢٣٣ ) ٩ - ناگواری، اندوہ، کلفت۔ "بارشدائد سفر اپنے اوپر زیادہ کرنا عقل و دانش سے دور ہے۔"      ( ١٨٣٤ء، بستان حکمت، ٣٠٦ ) ١٠ - [ بطور مذکر، مؤنث ]  دخل، رسائی، اجازت داخلہ، پیشی یا حاضری کا موقع۔ "ان لوگوں کو دربار نبوی کا نمونہ پیش نظر رکھنا چاہیے جہاں کافروں اور منافقوں تک کو بار ملتا تھا۔"      ( ١٩١٤ء، شبلی، مقالات، ١٤٣:٣ ) ١ - لدا ہوا۔ "زربفت کے بوروں میں کچھڑی بھری ہوئی، ہزاروں ہاتھیوں پر بار۔"      ( ١٨٩٠ء، فسانہ دلفریب، ٣١ ) ٢ - ناگوار، تکلیف دہ۔  اے چرخ کمال بار ہوں گا تجھ کو آہوں سے سزائے سخت دو گا تجھ کو    ( ١٩١٧ء، رشید (پیارے صاحب)، رباعیات، ٦٨ ) ٣ - مشکل، دشوار۔  یومینا تو گوّال کی نار ہے اسے بھوند لیانا تو کیا بار ہے    ( ١٦٣٥ء، میناستونتی (قدیم اردو، ١٣٠:١) )